Канцэрт лаўрэата мiжнародных конкурсаў (1997 года – у Iталii, 1998 – у Iспанii) Аляксея Пятрова адбыўся ў гарадскiм Доме культуры. З 2002 года, пасля заканчэння магiстратуры, ён з’яўляецца салiстам Гродзенскай капэлы.

У выкананнi пiянiста прагучалi дзве санаты № 5 i № 7 Людвiга ван Бетховена. У скрыпiчнай санаце № 5, якая за свой iдылiчны змест атрымала назву «Вясновай», партыю скрыпкi выканала салiстка Гродзенскай капэлы Таццяна Сухоцкая. У выкананне 7-ай санаты Бетховена, у завяршэннi якой радасць перамагае сум i тугу, пiянiст уклаў усю сiлу свайго музычнага таленту. На пытанне пасля канцэрта, што яму блiжэй з таго, што выконвалася iм у сённяшняй праграме, Аляксей Пятроў адказаў: «Усё. Але ўсё-такi Бетховен.»