У гады вялiкай Айчыннай вайны ў Навагрудку дзейнiчала патрыятычная «Група мсцiўцаў».

Узначальваў яе былы падпольшчык, прысланы з-за лiнii фронту, Павел Адынец, яго намеснiкам быў вядомы беларускi пiсьменнiк Валянцiн Таўлай. Але справы ўдзельнiкаў супрацiўлення замоўчвалiся. Гэта выклiкала ў грамадскасцi непаразуменне, i нават скаргi. Калi краiна рыхтавалася адзначыць 30-годдзе Перамогi, у Гродзенскi абкам партыi звярнуўся В.Рожка з просьбай афiцыйна прызнаць антыфашысцкую групу. Пазней, у жнiўнi 1975 года, справу разгледзела бюро Навагрудскага райкома КПБ. Аднак станоўчага рашэння па гэтаму пытанню так i не было прынята. Партыйныя функцыянеры, вiдаць, сумнявалiся ў патрыятычнасцi арганiзацыi. Нябожчыку В.Таўлаю сыпалiся папрокi за тое, што ён служыў у Ваўковiчах, як солтыс, а пра яго дапамогу партызанскiм разведчыкам раптам забылiся...