Выдавец незалежнай «Новай газеты Смаргонi», дэпутат раённага Савета Рамуальд Улан склаў у раённую пракуратуру дзве скаргi на старшыню раённага Савета спадара Шыша i старшыню райвыканкама спадара Юргеля. Заявы Рамуальд Улан накiраваў у пракуратуру.

Старшыня Смаргонскага райсавету Мiкалай Шыш, па словах Улана, стварыў перашкоды для выкананьня журналiсткай Алiнай Суравец сваiх рэдакцыйных абавязкаў. Больш за тое, улады ўжылi прымус. Яе выдалiлi з апошняй сесii з дапамогай мiлiцыi. За ўсё гэта iснуе крымiнальная адказнасць.