Беларускi Хельсiнскi камiтэт звярнуўся 9 лiпеня да 7кiраўнiка дзяржавы з просьбаю рэабiлiтаваць паэтку.

У 1949 годзе Ларыса Генiюш была асуджаная да 25 гадоў зняволення паводле абвiнавачання ў падрыўной дзейнасцi супраць СССР. Яна датэрмiнова была вызваленая ў 1956 годзе i да сваёй смерцi ў 1986 годзе жыла ў пасёлку Зельва, што ў нашай вобласцi пад наглядам КГБ. У лiсце БХК да Лукашэнкi адзначаны шэраг юрыдычных матываў: Генiюш была асуджаная, не з’яўляючыся грамадзянкаю БССР, з матэрыялаў яе справы вынiкае, што ёй iнкрымiнавалася сяброўства ў арганiзацыях «Беларуская Рада» i «Беларуская народная самапомач», якiя, адзначае Беларускi Хельсiнскi камiтэт, не вялi антысавецкай цi прафашыстоўскай дзейнасцi. Апроч iншага, камiтэт адзначае, што артыкулы крымiнальнага кодэксу, паводле якiх Ларыса Генiюш была асуджаная, былi скасаваныя ў 1960 годзе, што паводле заканадаўства мусiць цягнуць за сабою скасаванне прысуду i рэабiлiтацыю.